Unë jam Eri. Nënë e dy fëmijëve, 15 dhe 13 vjeç, dhe prej 18 vitesh jetoj në Itali.

Në vitin 2011 hapa faqen time të parë “Gjithçka mbi Flokët Eri” me shumë pasion, me një ëndërr të vogël dhe me vetëm 20 euro që mora nga burri im.

E nisa gjithçka me një dëshirë të sinqertë: të sillja bukuri dhe kujdes natyral në çdo shtëpi shqiptare. Me kalimin e viteve, kjo ëndërr nisi të merrte jetë.

Kur vëllai im u kthye në Shqipëri, i dhamë dorën njëri-tjetrit për te ecur përpara..

Unë në skenë, ai pas kuintave. Të dy punuam me një qëllim të përbashkët:

të krijonim diçka të bukur, një vend ku secili të ndihej mirë, ku kujdesi për veten të mos ishte më luks, por nevojë, dashuri dhe vetëvlerësim.

Kështu lindi ERI CLINIC SPA, që sot është e pranishme në Tiranë, Elbasan, Fier dhe Berat, duke ofruar shërbime estetike, relaksuese dhe mjekësore me standarde të larta dhe teknologji moderne.

Por rrugëtimi ynë nisi me Bio Shop Eri ,një rrjet fizik dhe online i shpërndarë në qytete si Durrës, Elbasan etj., me 14 linja italiane 100% bio dhe vegane.

Produkte të zgjedhura me kujdes që kujdesen për trupin dhe shëndetin nga brenda dhe jashtë.

Ne nuk jemi thjesht një klinikë.

Jemi një histori familjare. Një bashkim i vlerave, përkushtimit dhe dashurisë për jetën.

Dhe gjithçka që kemi arritur… është falë juve.

Ju jeni dëshmitarë të këtij rrugëtimi prej 15 vitesh.

E filluam me pasion. Po e jetojmë me zemër.

Endrra vazhdon…

E kujt ja merrte mendja që me 20 euro do arrija deri këtu...